ကညီ (Karen)

Tenants Victoria ဟ့ၣ်၀ဲဒၣ်တၢ်ဂ့ၢ်တၢ်ကျိၤဒီးတၢ်ဟ့ၣ်ကူၣ်လၢတၢ်ကမၤစၢၤပှၤဒိးလဲတၢ်တဖၣ်ဒီးတၢ်ဃဲာ်လီၤဘှါလီၤ ကွံာ်တၢ်ဒိးလဲအတၢ်ဂ့ၢ်တၢ်ကျိၤတဖၣ်န့ၣ်လီၤ.ပတၢ်မၤစၢၤအတၢ်ဖံးတၢ်မၤတဖၣ်န့ၣ်တၢ်ဟ့ၣ်ကလီအီၤဒီးတၢ်ပာ်အီၤလၢ တၢ်ခူသူၣ်န့ၣ်လီၤ.

Tenants Victoria မၤ၀ဲဒၣ်သ့မ့ၢ်၀ဲ-

• ဟ့ၣ်ကူၣ်ဘၣ်ဃးတၢ်ဂ့ၢ်လီၤလီၤဆီဆီဒ်သိးဒီးတၢ်ဘှီဘၣ်ဂ့ၤထီၣ်ဒီးတၢ်ဒိးလဲအလဲအါထီၣ်တဖၣ်
• တၢၣ်ပီၣ်ကျဲၤန့ၢ်တၢ်လၢနလီၢ်ဃုာ်ဒီးဟံၣ်ကစၢ်တဖၣ်မ့တမ့ၢ်ခၢၣ်စးလၢအမၤတၢ်ဘၣ်ထွဲဒီးတၢ်ဆါဒီးဒိးလဲဟီၣ်ခိၣ်ကပံာ်ဂ့ၢ်၀ီတဖၣ်
• မၤစၢၤနၤမ့တမ့ၢ်ကဲခၢၣ်စးန့ၢ်နၤလၢနဂီၢ်ဖဲ Victorian Civil and Administrative Tribunal (VCAT), ကရၢလၢအဆၢတဲာ်လီၤတၢ်လၢတၢ်သဘံၣ်သဘုၣ်တဘျုးမံၤလၢပှၤဒိးလဲတၢ်ဒီးဟံၣ်ကစၢ်အဘၢၣ်စၢၤတဖၣ်
• ဟ့ၣ်ထီၣ်တၢ်ဟ့ၣ်ကူၣ်ဒီးတၢ်ဆီၣ်ထွဲဖဲနမ့ၢ်ဘၣ်ဂဲၤလိာ်လၢတၢ်ကဟ့ၣ်တၢ်ဒိးလဲ,တၢ်သူတၢ်စွဲအလဲတဖၣ်ဒီးဒ့ၣ်ကမၢ်လၢအဂၤတဖၣ်
• ဆဲးကျိးနၤဃုာ်ဒီးတၢ်ဆီၣ်ထွဲအတၢ်မၤစၢၤလၢအဂၤတဖၣ်

တၢ်မၤစၢၤလၢပဟ့ၣ်အီၤသ့န့ၣ်ဒိးသန့ၤထီၣ်လၢ-

• တၢ်ဒိးလဲအတၢ်ဂ့ၢ်ကီအကလုာ်တဖၣ်
• နစ့အိၣ်ထဲလဲၣ်

ဖဲနတၢ်ဒိးလဲနဟံၣ်န့ၣ်လဲၤခီဖျိ၀ဲဒၣ်ဟံၣ်ကစၢ်တဂၤမ့တမ့ၢ်ခၢၣ်စးလၢအမၤတၢ်ဘၣ်ထွဲဒီးတၢ်ဆါဒီးဒိးလဲဟီၣ်ခိၣ်ကပံာ်ဂ့ၢ်၀ီတဖၣ်တဂၤန့ၣ်,ကိးဘၣ်ပှၤဖဲ (03) 9416 2577 န့ၣ်တက့ၢ်. 

တၢ်ခိးတၢ်အဆၢကတီၢ်န့ၣ်အါန့ၢ် 40 မံးနံးဃၣ်ဃၣ်မ့ၢ်လၢတၢ်လိၣ်ဘၣ်အိၣ်အါ၀ဲဒၣ်အဃိန့ၣ်လီၤ.

ဖဲနမ့ၢ်ဒိးလဲနဟံၣ်လၢပဒိၣ်မ့တမ့ၢ်ပှၤတ၀ၢအတၢ်ကရၢကရိအအိၣ်န့ၣ်,ကိးဘၣ်ပှၤဖဲ 1800 068 860 န့ၣ်တက့ၢ်. လီတဲစိအကျိၤအံၤတၢ်အိးထီၣ်အီၤဖဲမုၢ်ဆၣ်တုၤမုၢ်ဖီဖး, ဂီၤ 9.00 နၣ်ရံၣ် – ဟါ 4.00 နၣ်ရံၣ်န့ၣ်လီၤ.

ဖဲနမ့ၢ်ဒိးလဲအိၣ်ဆိးလၢဒၢးတဖျၢၣ်ဖျၢၣ်လၢဟံၣ်တဖျၢၣ်အပူၤန့ၣ်ကိးဘၣ်ပှၤဖဲ 1800 068 860 န့ၣ်တက့ၢ်. လီတဲစိအကျိၤအံၤအိးထီၣ်အသးဖဲမုၢ်ဆၣ်တုၤမုၢ်ဖီဖးဂီၤ 9.00 နၣ်ရံၣ် – ဟါ 4.00 နၣ်ရံၣ်န့ၣ်လီၤ.

မ့ၢ်ယကတိၤတၢ်လၢယနီၢ်ကစၢ်အကျိာ်သ့ဧါ.

မ့ၢ်သ့လီၤ. ဖဲနမ့ၢ်အဲၣ်ဒိးကတိၤတၢ်လၢနကစၢ်အကျိာ်န့ၣ်,ပကဆဲးကျိးပှၤကတိၤကျိးထံတၢ်တဂၤလၢတၢ်မၤစၢၤအဂီၢ်လီၤ.

ပကရဲၣ်ကျဲၤကိးက့ၤနၤလၢတၢ်ဆၢကတီၢ်ဖဲပှၤကတိၤကျိးထံတၢ်တဂၤမ့ၢ်အိၣ်၀ဲဒၣ်အခါန့ၣ်လီၤ.

ပသူထဲဒၣ်ပှၤကတိၤကျိးထံတၢ်တဖၣ်လၢအအိၣ်ဒီးတၢ်စဲပနီၣ်လၢအဟဲခီဖျိ National Accreditation Authority for Translators and Interpreters (NAATI) နၣ်လီၤ.

မ့ၢ်ပှၤတဂၤဂၤကိးန့ၢ်တၢ်လၢယလီၢ်သ့ဧါ.

မ့ၢ်သ့လီၤ. ပှၤမၤတၢ်ဖိတဂၤမ့တမ့ၢ်ပှၤဆီၣ်ထွဲတၢ်လၢနနာ်အီၤတဂၤကိးပှၤသ့လီၤ.အဂ့ၤကတၢၢ်န့ၣ်နအိၣ်ဒီးနပှၤမၤတၢ်ဖိ မ့တမ့ၢ်ပှၤဆီၣ်ထွဲတၢ်တဂၤဖဲအ၀ဲသ့ၣ်ကိးတၢ်အခါန့ၣ်လီၤ.

ပကသံကွၢ်နၤဒီးတၢ်သံကွၢ်တဖၣ်လီၤ. တၢ်အံၤမၤစၢၤပှၤလၢတၢ်ကဆၢတဲာ်မ့ၢ်ပဟ့ၣ်နၤဒီးတၢ်မၤစၢၤမနုၤတဖၣ်ကသ့၀ဲ ဒၣ်လဲၣ်န့ၣ်လီၤ.

တၢ်တမံၤလၢ်လၢ်လၢနတဲဘၣ်ပှၤန့ၣ်ပပာ်အီၤလၢတၢ်ခူသူၣ်အပူၤလီၤ.မ့တမ့ၢ်ဘၣ်လၢနတဲဘၣ်ပှၤလၢပတဲနဂ့ၢ်သ့န့ၣ်ပတတဲဘၣ်နဂ့ၢ်နကျိၤဒီးပှၤနီတဂၤဘၣ်.

ဖဲပမၤစၢၤနၤမ့ၢ်တသ့တခီ,ပဟ့ၣ်နၤဒီးတၢ်ဆဲးကျိးအဂ့ၢ်အကျိၤလၢအဘၣ်ထွဲဒီးပှၤတဂၤန့ၣ်သ့လီၤ. တၢ်အံၤဘၣ်တဘၣ် ကမ့ၢ်ပှၤတ၀ၢအသဲစးအလီၢ်ခၢၣ်သးမ့တမ့ၢ်ပှၤတ၀ၢအတၢ်မၤစၢၤအတၢ်ကရၢကရိတဖၣ်န့ၣ်လီၤ.

ပပှာ်ယဲၤသန့အိၣ်ဒီးတၢ်ဂ့ၢ်တၢ်ကျိၤဘၣ်ထွဲဒီးတၢ်ဒိးလဲအဂ့ၢ်အကျိၤအခိၣ်တီလၢအဲးကလံးအကျိာ်အိၣ်တဘျုးမံၤလီၤ.