هزارگی (Hazaragi)

Tenants Victoria مالومات و مشوره فراهم مونه تا کرایه دارا ره کمک کنه که مشکلات خوره حل و فصل کنن. خدمات ازمو مفت و محرمانه استه.

Tenants Victoria می تنه که:

• د باره مشکلات به خصوص مثل ترمیمات و زیاد کیدون کرایه مشوره بیدیه
• از طرف شیم قد صاحب خانه یا رهنمای معاملات مذاکره کنه
• د Victorian Civil and Administrative Tribunal (VCAT) که د باره منازعای زیاد بین کرایه دارا و صاحب خانه فیصله مونه، شیموره کمک کنه یا از شیم نمایندگی کنه
• اگه د پرداخت کیدون کرایه، بل ها و دیگه قرضداری های مشکل دیرید، مشوره و حمایت فراهم کنه
• شیموره قد دیگه مرکزای خدماتی وصل کنه

کمکی که مو فراهم مونیم بستگی به موارد زیر دیره:

• نوع مشکل کرایه داری
• چی قدر پیسه دیرید

اگه خانه خوره از طریق صاحب خانه یا رهنمای معلاملات کرایه کدید، در مو د شماره (03) 9416 2577 زنگ دید. ای خط د روزای دوشنبه، سه شنبه، پنجشنبه و جمعه، از ساعت 9.30 صبح تا 1.30 پاسی روز وازه.

مدت انتظاری تخمینی به خاطر تقاضای زیاد زیادتر از 40 دقه استه.

اگه خانه خوره از دولت یا سازمان اجتماعی کرایه کدید، موره د شماره 1800 068 860 زنگ دید. ای خط از روز دوشنبه تا جمعه از ساعت 9.00 صبح تا 4.00 پاسی روز وازه.

اگه د یک خانه یک اطاق شی ره کرایه کدید موره د شماره 1800 068 860 زنگ دید. ای خط از روز دوشنبه تا جمعه از ساعت 9.00 صبح تا 4.00 پاسی روز وازه.

آیا می می تنوم د زیبون خود خو توره بوگیم؟

اری، اگه می خوایید د زیبون از خود خو توره بوگید، مو د یک ترجمان بلده کمک زنگ میزنیم.

مو هر وقت که ترجمان وقت دشت بلده شیم دوباره زنگ میزنیم

مو فقط از ترجمانی استفاده مونیم که توسط National Accreditation Authority for Translators and Interpreters (NAATI) جواز دده شده باشه.

آیا اگو کس از طرف ازمه زنگ زیده می تنه؟

اری، یک کارمند یا نفر کمکی که سر شی اعتبار می تنید می تنه موره زنگ ده یه. خیلی خوبه وقتی که کارمند یا نفر کمکی شیم زنگ میزنه خود شیم قد شی باشید.

مو از شیمو سوالا پرسان خاد کدیم. ای سوالا موره کمک مونه تصمیم بیگریم چی کمک کده می تنیم.

هر چیزی که شیمو بلده ازمو موگید محرمانه استه. مو هیچ کدم از گپای شیم ره قد دیگرو نه موگیم مگر اینکه شیمو موره اجازه بدید، باد ازو می تنیم.

اگه مو نه تنیم شیموره کمک کنیم، می تنیم شماره تماس اگو کسی ره که می تنه کمک کنه شیموره بدیم. ای شاید یک مرکز حقوقی جامعه یا یک سازمان خدمات جامعه باشه

وب سایت ازمو د باره موضوعای زیاد کرایه داری مالومات دیره.